COVID-19 ԹԵՍՏԱՎՈՐՈՒՄ. Ի՞ՆՉ ՊԵՏՔ Է ԻՄԱՆԱՆ ԾՆՈՂՆԵՐԸ

Published on 
April 14, 2020

covid_testing.png

Ահա թե ինչի համար են բոլոր այդ հետազոտությունները՝ քթից վերցվող քսուքից սկսած մինչև արյան նմուշառում

Պատրաստել է Katie Sweeney-ն

Ո՞վ պետք է թեստավորվի COVID-19 առաջացնող նոր կորոնավիրուսի առկայության համար: Եվ ի՞նչ են փաստացի ցույց տալիս տարբեր տեսակի հետազոտությունները: Բժիշկ, Children’s Hospital Los Angeles հիվանդանոցի մանկական վարակաբան, բժշկ. գիտ. դոկտոր՝ Jeffrey Bender, MD-ը ներկայացնում է վերջին տեղեկությունները և բացատրում, թե ինչ պետք է իմանան ծնողները:

Ո՞վ պետք է թեստավորվի:

Children’s Hospital Los Angeles-ը, որպես կանոն, երեխաներին չի թեստավորում COVID-19 վարակի առկայության համար: Ախտանիշներ ունեցող երեխաների մոտ թեստ կարող է արվել բժշկի որոշմամբ/նշանակմամբ, և եթե դա պայմանավորված է բժշկական անհրաժեշտությամբ, ինչպես նաև, եթե այդ երեխաները հոսպիտալացվում են բուժօգնություն ստանալու նպատակով:

Թեստավորման պատճառներից մեկն այն է, որ այն «օգնում է պաշտպանել մեր անձնակազմը և ապահովում, որպեսզի բուժօգնություն և խնամք ցուցաբերելու ժամանակ ճիշտ պաշտպանիչ հանդերձանք և միջոցներ են կիրառվելու», բացատրում է Dr. Bender-ը:

COVID-19 հետազոտությունների/թեստերի տեսակներ

  • Արտակարգ իրավիճակներում կիրառվող լիազորված հետազոտություն.
    The Food and Drug Administration-ը հայտարարել է արտակարգ իրավիճակների ժամանակ CDC-ի կողմից հաստատված թեստավորում իրականացնելու լիազորություն: Այդ թեստը Հիվանդությունների վերահսկման և կանխարգելման կենտրոնների (CDC) կողմից նախընտրած թեստ է պարզելու, թե անձը ունի վիրուս, թե ո՛չ: Հետազոտության ժամանակ կիրառվում է ծայրին բամբակե խծուծով երկար բարակ ձողիկ, որով նմուշառում է վերցվում քթուղու խորքից. այն հատվածից, որտեղ քթի խոռոչը միանում է կոկորդին: Լաբորատորիայում գենետիկական նյութի նմուշը հետազոտում են վիրիսի առկայության համար: Children’s Hospital Los Angeles հիվանդանոցը կիրառում է CDC-EUA թեստը:

 

  • Տնային պայմաններում արվող, փոստով ուղարկվող թեստեր.
    Այս թեստերը հաստատված չեն FDA-ի կողմից: Խծուծը օգտագործվում է բերանի խոռոչից (այտի երկայնքով) նմուշառում/քսուք վերցնելու համար:

    Այդ թեստերի համար վճարող ընտանիքներ գուցե չստանան իրենց երեխայի առողջությանը վերաբերող ամբողջական տեղեկատվություն: Dr. Bender-ը ասում է, թե «ոչ մի ապացույց չկա, որ փոստով ուղարկվող այդ թեստերը ճշգրիտ են»: Եթե հետազոտում եք առողջ երեխայի, ապա այդ թեստը կարող է իրեն չարդարացնել: «Երեխային անհրաժեշտ է թեստավորել միայն այն դեպքում, եթե նա ունի ախտանիշներ: Այդ դեպքում երեխային պետք է արվի FDA-ի կողմից հաստատված թեստ:»

 

  • Հակածինների/անտիգենների էքսպրես-թեստ.
    Այդ թեստը նման է գրիպի էքսպրես-թեստին: Խծուծի օգնությամբ նմուշառում է վերցվում կոկորդի կամ քթի խոռոչի առջևի հատվածից, նմուշառումը հետազոտում են վիրուսային սպիտակուցների առկայության համար, ընդորում արդյունքները ստացվում են րոպեների ընթացքում:

    Dr. Bender -ը զգուշացում է. «Գրիպի արագ թեստերի խնդիրն այն է, որ դրանք դժվար է մեկնաբանել», -նշում է նա: «Նույն խնդիրը առկա է COVID-19 թեստի պարագույում: Children’s Hospital մանկական հիվանդանոցում չենք նախատեսում կիրառել հակածինների էքսպրես-թեստեր:»

 

  • Հակամարմինների թեստավորում.
    Այդ թեստի ժամանակ հետազոտվում է արյունը պարզելու, թե անձը նախկինումունեցել է վիրուս, թե ո՛չ: (Այն չի կարող ցույց տալ տվյալ պահին օրգանիզմում առկա վիրուսը:) Այդ թեստերը, որոնք նոր են հասանելի դառնում, ստուգում են համամարմինների՝ օրգանիզմում վիրուսի դեմ պայքարող հատուկ սպիտակուցների առկայութունը:

     «Այս թեստերը օգտակար են առողջապահության ոլորտի աշխատողներին թեստավորման համար՝ ի պաշտպանություն հանրային առողջապահության ջանքերի», -ասաց Dr. Bender-ը:

Թեստեր մեր հիվանդանոցում

Children’s Hospital Los Angeles-ի լաբորատորիայում կիրառվում են CDC-EUA թեստեր: «Բազմաթիվ լաբորատորիաներում չկան այդ թեստերը կիրառելու տեխնոլոգիաներ», -ասում է Dr. Bender-ը: «Մեր լաբորատորիան շատ առաջադեմ է, և մենք առաջիններից էինք, ով գործածության մեջ դրեց այդ թեստերը: Սա վկայում է մեր կլինիկական լաբորատորիայի հիանալի աշխատանքի մասին:» Արդյունքները պատրաստ են 24 ժ.-ից պակաս ժամանակահատվածում, և շուտով արդյունքների ստացման նույնիսկ ավելի արագ համակարգեր կգործածվեն:

Բացի այդ, CHLA լաբորատորիան մշակում է COVID-19 հակամարմինների հետազոտություն, որը կստուգի անցյալում ունեցած վիրուսների առկայությունը: Այս թեստը շուտով հասանելի կլինի: Թեստը հետազոտում է հակամարմիններ և օգնում է փաստել նախնիկում ունեցած COVID-19 վիրուսի վարակի մասին:

Արդյո՞ք իմ երեխան պետք է թեստավորվի:

Դեպքերի ճնշող մեծամասնության պարագայում երեխաներին անհրաժեշտ չէ թեստավորել: COVID-19 ունեցող երեխաները, որպես կանոն, ունենում են միայն թեթև մրսածության ախտանիշներ ի տարբերություն մեծահասակների, որոնց մոտ արձանագրվում է ավելի խորը հիվանդություն: Թեստավորման առավելությունն այն է, որ վիրուսի հաստատման դեպքում երեխան և ծնողը տեղեկացված կլինեն, ինչը կօգնի կանխարգելել վիրուսի մյուսներին փոխանցումը:

Եթե Ձեր երեխան մրսածության ախտանիշներ ունի, ապա տան մեծահասակները պետք է առավել զգույշ լինեն, որպեսզի չվարաքվեն. հաճախակի լվանան ձեռքերը և ախտահանեն մակերևույթները:

Եթե երեխայի մոտ նկատվում են ավելի լուրջ ախտանիշներ՝ կայուն բարձր ջերմություն, շնչառության խնդիրներ, վատ է ուտում կամ քիչ է հեղուկ խմում, ապա դիմե՛ք Ձեր մանկական բժշկի: «Ես ծնողներին խորհուրդ կտամ նախ և առաջ դիմել իրենց մանկաբույժի», -ասում է նա: «Սակայն, եթե վիճակը բարդանում է, երեխայի զգացողությունը վատթարանում, անհրաժեշտ է դիմել շտապօգնության բաժանմունք:»

Անվտանգության պահպանում

Ծնողներն ու խնամակալները պետք է հետևեն տեղական առողջապահական մարմինների ներկայացուցիչների՝ սոցիալական հեռավորության պահպանման և տանը մնալու ցուցումներին: Եվ նրանք պետք է շարունակեն հաճախակի լվանալ ձեռքերը և սովորեցնեն իրենց երեխաներին, ինչպես ճիշտ լվանալ ձեռքերը  և ինչպես ծածկել բերանը՝ հազալու ժամանակ:

«Այս հասարակ միջոցառումները կօգնեն երեխաներին ոչ միայն հիմա, այլ նաև գրիպի սեզոնային ապագա բռնկումների ժամանակ», -ասաց Dr. Bender-ը: «Նրանք կսովորեն կյանքի դասեր, որոնք կպաշտպանեն նրանց ամբողջ կյանքի ընթացքում»: