Ինչ պետք է իմանալ նոր տեսակի կորոնավիրուս (COVID-19) հիվանդության մասին

Published on 
August 14, 2020

CHLA-What-You-Should-Know-Covid-19-1200x628-02.png

Նոր տեսակի կորոնավիրուսը տարածվում է ողջ աշխարհում։ Children’s Hospital Los Angeles-ը ջանադրաբար աշխատում է մեր հիվանդներին, ընտանիքներին և անձնակազմի անդամներին պաշտպանելու ուղղությամբ:

Մենք մեր մասնագետներին խնդրել ենք որոշ փաստեր ներկայացնել, որոնք կօգնեն պատասխանելու այն հիմնական հարցերին, որ ծնողները կարող են ունենալ: Ստորև բերված են տեղեկություններ այս վիրուսի մասին, ինչ է արվում դրա հետագա տարածումը կանխելու համար, և ինչպես կարող եք պաշտպանվել վարակի սպառնալիքից:

Ի՞նչ են կորոնավիրուսները 

Կորոնավիրուսները վիրուսների մի մեծ խումբ են, որոնք կարող են վարակել թե՛ կենդանիներին և թե՛ մարդկանց՝ առաջացնելով շնչառական հիվանդություններ՝ սկսած այնպիսի մեղմ դրսևորումներից, ինչպիսին է սովորական մրսածությունը, մինչև ծանր ձևեր, օրինակ՝ թոքաբորբ: Հազվադեպ է պատահում, որ կենդանիների կորոնավիրուսները վարակեն մարդկանց, և այնուհետև տարածվեն նրանց շրջանում: Միգուցե հիշում եք 2002-2003 թվականների SARS (սուր ծանր շնչառական համախտանիշ) հիվանդությունը, որը նույնպես կորոնավիրուս էր, որը կենդանիներից անցել էր մարդկանց: Կորոնավիրուսի մեկ այլ հանրահայտ, վերջերս ի հայտ եկած շտամներից էր MERS-ը (Մերձավոր Արևելքի շնչառական համախտանիշ), որն առաջացավ 2012թ.-ին Մերձավոր Արևելքում և, ըստ գիտնականների, նախապես մարդուն էր անցել ուղտից։

Ինչպե՞ս է տարածվում կորոնավիրուսը

Մարդկանց միջև վիրուսը սովորաբար տարածվում է վարակված մարդու հետ սերտ շփման միջոցով։ Այն կարող է տարածվել նաև վարակված մակերեսին դիպչելուց, ապա բերանին, քթին կամ աչքերին ձեռք տալու միջոցով, թեպետ վերջինս վիրուսի փոխանցման հիմնական ձևը չի համարվում։

Ինչպե՞ս կարող են մարդիկ օգնել հիվանդության տարածումը կանխելուն 

Հիվանդությունների վերահսկման և կանխարգելման կենտրոնը (CDC) խորհուրդ է տալիս հետևել հիգիենայի ճիշտ կանոններին, այդ թվում՝ հաճախ լվանալ ձեռքերը, լինել հիդրատացված, հազալ արմունկի անկյունում կամ անձեռոցիկի մեջ և մնալ տանը, եթե վատ եք զգում։ Բացի այդ, նույնիսկ եթե հիվանդ չեք, խորհուրդ ենք տալիս տանը մնալ, եթե խիստ անհրաժեշտ չէ դուրս գալը, պահպանել ֆիզիկական հեռավորություն (այլ անձանցից առնվազն վեց ոտնաչափ հեռավորություն), կրել դիմակ, որը ծածկում է ձեր քիթը և բերանը։

Որո՞նք են նոր կորոնավիրուս հիվանդության (COVID-19) ախտանշանները 

Նոր կորոնավիրուսի ախտանշաններից են՝

  • Ջերմություն կամ դող
  • Գլխացավ
  • Հազ, կոկորդի ցավ, խցանվածություն կամ քթից արտադրություն
  • Համի կամ հոտի զգացողության կորուստ
  • Շնչարգելություն կամ դժվարացած շնչառություն
  • Սրտխառնոց, փսխում կամ լուծ
  • ոգնածություն կամ մկանների ու մարմնի ցավեր

COVID-19-ը բուժելի՞ է 

Հիվանդության պատվաստանյութ չկա, և քանի որ այն վիրուս է, հակաբիոտիկները արդյունավետ չեն։ Քանի որ չկա որևէ կոնկրետ բուժում, բուժաշխատողները հիմնականում բուժում են ախտանշանները և օգնում, որ հիվանդն իրեն ավելի լավ զգա։

CHLA-ը ստուգո՞ւմ է հիվանդներին ու այցելուներին 

Մեր բուժանձնակազմը հետևում է Լոս Անջելեսի վարչաշրջանի Հանրային առողջապահության դեպարտամենտի բոլոր վերջին ցուցումներին հիվանդների հետ իր բոլոր փոխշփումներում՝ այս նոր վիրուսի տարածումը կանխելու համար: Հիվանդանոցի բոլոր աշխատակիցներն ու այցելուները ստուգվում են՝ հիվանդության ախտանշանների առկայությունը պարզելու համար: Բանավոր ստուգումը չանցած անձինք ենթարկվում են վիրուսի թեստավորման: Բացի այդ, CHLA-ի բոլոր հիվանդները, հիվանդանոց ընդունվելուց հետո, անցնում են վիրուսի թեստավորում։ Դա ներառում է նաև ապագայում բժշկական պրոցեդուրաներ ունեցող հիվանդների թեստավորումը։

CHLA-ը ստուգո՞ւմ է հիվանդներին ու այցելուներին։ 

Մեր բուժանձնակազմը հետևում է Լոս Անջելեսի վարչաշրջանի Հանրային առողջապահության դեպարտամենտի բոլոր վերջին ցուցումներին հիվանդների հետ իր բոլոր փոխշփումներում՝ այս նոր վիրուսի տարածումը կանխելու համար: Հիվանդանոցի բոլոր աշխատակիցներն ու այցելուները բանավոր կերպով ստուգվում են՝ հիվանդության ախտանշանների առկայությունը պարզելու համար: Բանավոր ստուգումը չանցած անձինք ենթարկվում են վիրուսի թեստավորման: Բացի այդ, CHLA-ի բոլոր հիվանդները, հիվանդանոց ընդունվելուց հետո, անցնում են վիրուսի թեստավորում։ Դա ներառում է նաև ապագայում բժշկական պրոցեդուրաներ ունեցող հիվանդների թեստավորումը։

Ի՞նչ նշանների դեպքում պետք է դիմել բժշկական օգնության: 

Եթե դուք կամ ձեր երեխան ունենաք ջերմություն, հազ կամ շնչառության դժվարություն, անմիջապես դիմեք բժշկի: Եթե կասկածում եք, որ ունեք COVID-19, ապա նախքան այցելելը՝ զանգահարեք բժշկին կամ շտապ օգնության բաժանմունք, որպեսզի բուժհաստատությունը կարողանա ապահովել, որ որևէ այլ անձի չվարակեք՝ վիրուսը ունենալու դեպքում։

Որտե՞ղ կարելի է գտնել ամենաթարմ տեղեկությունները: 

Իրավիճակը, ամենայն հավանականությամբ, կշարունակվի փոխվել, քանի դեռ նոր վիրուսի մասին ավելի շատ տեղեկություններ ու փաստեր են ի հայտ գալիս: Առավել արդիական տեղեկությունների համար այցելեք CDC-ի կայք՝  www.cdc.gov։